Rualbanlote tan remchang siam tur

Health & Family Welfare (HFW) depart­ment chuan, rualbanlo zinga Covid-19 vei, enkawlna hmun hrang hrang (DCH/DCHC/CCC/CCCC)-a enkawl dan tur June 26, Inrinni khan a tichhuak a, mahnia inenkawl thei lo tan awmpuitu neih phal a nih thu a tarlang.

HFW department tarlan danin, dedicated covid hospital (DCH) leh district tina covid care centre (CCC) pakhat talah wheelchair-a luh theihna ward ruahman tur a ni a, ward-a inthiarnate chu wheelchair hmang tana hman theih tura siam rem tur a ni. Ward pakhat tan inthiarna pakhat chauh a awm a nih chuan, a awmchhun chu mi tin tana hman theih tura (wheelchair hmang tiamin) siam rem tur a ni.

Covid-19 veite enkawlna hmuna sample endikna kalpui dan, damlo enkawl dan, ei in sem dan, etc. chu rualbanlote dinhmun hre chungin a ṭul anga siam rem tur a ni a; mahnia insaseng thei lo an awm ṭhin avangin ward tinah an mimal thil bika an inbuatsaih/siamremna tura hman tur portable screen/parda chhawp tur a ni bawk.