Aizawla speedbreaker enfiah

Aizawl khawpui chhung hmun hrang hranga speedbreaker-te chu traffic jam a belhchhah bakah, chetsualna (accident) a thlen phah nia sawi a nih vangin Transport department-a Secretary leh hotu dang te, Traffic police, AMC leh PWD hotute’n nimin khan a hmunah kalin an enfiah a, road sign dahna tur hmunte an en nghal.

Sorkar hotute ṭhukhawmin an rel dan chuan, speedbreaker dahna tur reng rengah fiber safety speed breaker chauh hman tur a ni a, Committee phalna leh hriatpuina loin Aizawl khawpuia kawngpuiah speedbreaker siam/dah phal a ni lo.