COVID-19: Mizoram dinhmun : Hripui vei 131 hmuh belh a ni

June 27, Pathianni khan Mizoramah Covid-19 vei mi 131 hmuh chhuah a ni a, June thla chhungin mi 7,056 hmuh chhuah a ni tawh. Nimin khan hripui laka fihlim tawh mi 176 chhuahtir an ni thung.

Covid-19 vei hmuh thar mi 131-te chu mipa 59 leh hmeichhia 72 niin, Aizawla veng 26 leh khaw dang pasariha mite an ni a; TrueNAT-PCR hmanga hmuh chhuah pakhat leh Rapid Antigen Test hmanga hmuh chhuah 130 an ni. ZMC laboratory-ah swab sample endik a ni lo.

June 2021 chhungin hripui vei mi 7,056 hmuh chhuah a ni tawh a, chawh­rualin ni tin mi 261 chuang hret (261.33) hmuh chhuah an awm ang a ni. Covid-19 positive hmuh tawhte sample endikna chi hrang hranga hmuh chhuah dan chu - ZMC laboratory-ah RT-PCR hmangin 32.56%, TrueNAT hmangin 6.51% leh RAT hmangin 60.92% a ni.

Mizoramah Covid-19 vei mi 19,455 hmuh chhuah a ni tawh a; nimin tlai dar 5 thleng khan mi 15,216 (78.21%) chhuahtir an ni tawh a, mi 91 (0.47%) thi tawhin, enkawl mek mi 4,148 (21.32%) an awm. June 27, Pathianni khan TrueNAT-PCR hmangin district pathumah swab sample pakua leh RAT hmangin district pariatah sample 599 endik a ni a, a vaiin sample 608 (mipa 332 leh hmeichhia 276) niin, chu'ng aṭanga hripui vei hmuh chhuah 131 chu 21.54% a tling. Positive percentage hi mipaah 17.78% leh hmeichhiaah 26.09% a ni.

Pathiannia district-a Covid-19 positive hmuh dan chu - Aizawl district-ah mi 124, Lunglei leh Kolasib district-ah pathum leh Mamit district-a pakhat a ni. Hripui vei hmuh chhuah mi 131-te chu natna (symptom) lang chhuak 101 leh lang lo 30 an ni a; tualchhunga kái vek niin, kàina chin hriat loh mi 51 an awm.

TrueNAT-PCR hmanga hmuh chhuah awm chhun chu Aizawl district-a mi a ni a, tualchhunga kái, symptom nei lo a ni. RAT hmanga hmuh mi 130-te chu symptom nei 101 leh nei lo 29 an ni a, tualchhunga kái vek niin, kàina chin hriat loh 51 an tel.

June 27-a Covid-19 positive hmuh chhuah mi 131 zingah naupang kum tling lo 36 aia tlem lo awmin, a zatve aia tamin symptom an nei a; nausén kum khat tling pakhat, symtom nei a tel. Kum 60 chung lam 10 vel awmin, a zatve velin symptom an nei a, a upa ber kum 81 mi pawh symptom nei a ni.

Nimin khan tlai dar 5 thlengin hripui laka fihlim tawh mi 176 chhuahtir an ni a; Aizawl district-ah mi 121, Lunglei district-ah 31, Kolasib district-ah 17, Siaha district-ah pali, Serchhip district-ah pahnih leh Mamit district-ah mi pakhat an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,335 (32.56%) hmuh chhuah a ni tawh a, TrueNAT-PCR hmangin 1,267 (6.51%), RAT hmangin 11,852 (60.92%) leh Guwahati-ah pakhat hmuh chhuah a ni tawh.

June 27, 2021 thlengin Mizoramah swab sample 4,77,110 endik a ni tawh a, chu'ng aṭanga Covid-19 positive hmuh tawh zat 19,455 chu 4.08% a ni. Hripui vei hmuh tawh zinga mi 15,655 chu Mizoram chhunga kái chhâwng an ni a, mi 3,800 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 1
Armed Veng 1
Armed Veng South 9
Bawngkawn 1
Bethlehem Veng 3
Bethlehem VT 16
Central Jail, Tuivamit 1
Chaltlang 1
Chawnpui 1
Chhinga Veng 3
Dawrpui 16
Electric Veng 1
Falkland Veng 5
Kanan Veng 1
Maubawk 1
Muanna Veng 1
Phunchawng 8
Ramhlun North 9
Ramthar Veng 10
Republic Vengthlang 2
Salem Veng 2
Saron Veng 8
Tuikhuahtlang 1
Ṭhuampui 4
Zarkawt 3
Zemabawk 2
Hualngohmun 2
Sairang Dinthar 10

LUNGLEI DISTRICT
Lunglei Chanmari 2
Lunglei Venghlun 1

CHAMPHAI DISTRICT
Farkawn 1

KOLASIB DISTRICT
Kolasib Tuiṭha Veng 1
Kolasib Ṭumpui 1
Vairengte 1

MAMIT DISTRICT
West Lungdar 1