MSO-in MADC-ah rawtna thlen

Mara Students’ Organisation (MSO) General Headquarters hruaitute chuan nimin khan Mara Autonomous District Council (MADC) executive member i/c Education K Hrahmo an kâwm a, Siaha Private Elementary School Owners nena an thurel bawhzuiin, zirna kaihhnawiha rawtna an neihte an thlen.

MSO hruaitute chuan, MADC EM i/c Education hnenah hian July 2021 aṭanga Siaha khawpuia private elementary school-te online class hmanga zirna ṭantir tur te, online class kalpui chhungin monthly fee 70% laktir tur te, admission fee-a extra co-curricular activity lam hawi fee-te laktir lo tur te, MADC hnuaia elementary school-te lockdown thlahdul a nih hunah a hun taka class an ṭan theih nan tun aṭanga inpuahchah lâwk turtein an ngen a ni.

MSO tarlan danin, kum 2020-a Covid-19 avanga total lockdown puan chhung zawngin Siaha district-a private school-te an ngen angin zirlaite'n monthly fee an chawi lo a ni.