Hripui vei mi pakhat thih belh

Covid-19 vei enkawl lai Lalthangmawii (41) w/o Khaw­­velthanga, Electric Veng, Aizawl chu June 28, Thawh­ṭanni zan dar 9:10 khan State Referral Hospital (ZMC)-ah a thi a, nimin chawhma dar 11 khan Electric Veng YMA Hall-ah vui a ni.

Lalthangmawii hi Covid-19 positive a ni tih June 22, 2021-ah hmuh chhuah a ni a, zanah SRH-ZMC ICU-ah enkawl ṭan niin, a thih ni (June 28) zing aṭangin ventilator hmantir a ni. Amah hi nau thla ruka upa pâi mek a ni a, hripui a vei tih hmuh chhuah aṭanga ni sarihnaah a thi a ni.

Sorkar chhinchhiah danin, nimin tlai dar 5 thleng khan Mizoramah Covid-19 vangin mi 92 an thi tawh a, thla kal mek (June) bikah mi 52 thi tawhin, June thla hma lam zawnga thi zat aiin 12-in a tam tawh zawk a ni.