Hripui vangin mi 1 thih belh

Covid-19 vei enkawl lai Lalchhanhimi (31) w/o Lalnghakliana, Champhai Zote chu nimin chawhnu dar 1:10 khan State Referral Hospital (ZMC)-ah a thi a, sorkar record angin hripui vanga Mizorama thi 93-na a ni.

Thu dawn danin, Lalchhanhimi hi Vairengte khaw mi niin, Zote-a pasal nei a ni a; Vairengtea a zin laiin June 23, 2021 khan Covid-19 positive a ni tih hmuh chhuah niin, hripui a vei tih hmuh chhuah ni hian SRH-ZMC-ah enkawl nghal a ni. A ruang hi nimin tlai khan Champhai Zote panpui a ni a, vawiinah vui a ni ang.