COVID-19: Mizoram dinhmun : Hripui vei 20,075 an tling tawh

June 29, Thawhlehni khan Mizoramah Covid-19 vei mi 256 hmuh chhuah a ni a, hripui vei hmuh chhuah mi sing hnih an chuang tawh. Nimin khan tlai dar 5 thlengin hripui laka fihlim tawh mi 594 chhuahtir niin, chhuak an tam ber ní a ni a; mi pakhat a thi thung.

Covid-19 vei hmuh tharte chu mipa 125 leh hmeichhia 131 an ni a; ZMC laboratory-a hmuh chhuah 75, TrueNAT-PCR hmanga hmuh pariat leh RAT hmanga hmuh 173 an ni. Aizawla veng 35 leh khaw dang 25-a mite an ni a; Lungleiah veng pathum leh Kolasib-ah veng parukah hmuh chhuah a ni.

June 2021-ah ni 29 chhungin hripui vei mi 7,676 hmuh chhuah a ni tawh a, chawhrualin ni tin mi 264 chuang hret (264.69) hmuh chhuah an awm zel ang a ni.

Mizoramah Covid-19 vei mi 20,075 hmuh chhuah a ni tawh a, mipa 11,525 leh hmeichhia 8,550 an ni. Nimin tlai dar 5 thleng khan mi 16,106 (80.23%) chhuahtir an ni tawh a, mi 93 (0.46%) thi tawhin, enkawl mek mi 3,876 (19.31%) an awm.

June 29, Thawhlehnia swab sample endik dan chu - ZMC laboratory-ah 948, TrueNAT hmangin district 10-ah 287 leh RAT hmangin district 11-ah 2,299 a ni a, a vaiin sample 3,534 (mipa 2,001 leh hmeichhia 1,533) niin, chu'ng aṭanga hripui vei hmuh chhuah 256 chu 7.27% (mipa 6.25% leh hmeichhia 8.55%) a tling.

Thawhlehnia district-a Covid-19 positive hmuh dan chu - Aizawlah mi 154, Kolasib-ah 50, Lawngtlaiah 17, Lungleiah 13, Champhaiah pakua, Siaha leh Mamitah panga ve ve, Serchhip, Saitual leh Hnahthialah pakhat ṭheuh a ni.

Hripui vei hmuh thar mi 256-te chu natna (symptom) lang chhuak 117 leh lang lo 139 an ni a; tualchhunga kái 236 leh tun hnaia state páwn aṭanga rawn lut 20 niin, tualchhunga kái zingah kàina chin hriat loh mi 106 an awm.

ZMC-a hmuh chhuah mi 75-te chu tualchhunga kái 68 leh tun hnaia state pawn aṭanga lut pasarih an ni a, symptom nei mi pakhat chiah a awm. Tualchhunga kái zingah kàina chin hriat loh pakhat a awm a, mi 75 zinga 19 chu kum tling lo an ni.

TrueNAT hmanga hmuh mi pariatte chu tualchhunga kái pasarih leh state páwn aṭanga rawn lut pakhat an ni a, symptom nei an awm lo. RAT hmanga hmuh chhuah 173-te chu tualchhunga kái 161 leh state páwn aṭanga lut 12 an ni a, symptom nei 116 awmin, tualchhunga kái zingah kàina chin hriat loh 106 an awm.

Mi 256 zingah naupang kum tling lo 70 vel awmin, symptom nei 30 vel an awm a, nausén kum khat tling lo pali an tel. Kum 60 chung lam mi 16 aia tlem lo awmin, a zatve velin symptom an nei a, a upa ber chu kum 76 a ni.

Nimin khan tlai dar 5 thlengin hripui laka fihlim tawh mi 594 chhuahtir an ni a; Aizawl district-ah mi 557, Lawngtlai district-ah 22, Lunglei district-ah 10, Champhai district-ah pathum leh Mamit district-ah pahnih an chhuak. Chhuahtir an tam chhan hi TNT, Muanna Venga awm mi 500 chuang hripui lakah an fihlim tawh vang nia thu dawn a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,562 hmuh chhuah a ni tawh a, TrueNAT-PCR hmangin 1,285, RAT hmangin 12,227 leh Guwahati-ah pakhat hmuh chhuah a ni tawh.

June 29, 2021 thlengin Mizoramah swab sample 4,85,746 endik a ni tawh a, chu'ng aṭanga Covid-19 positive hmuh tawh zat 20,075 chu 4.13% a ni. Hripui vei hmuh tawh zinga mi 16,240 chu Mizoram chhunga kái chhâwng an ni a, mi 3,835 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 3
Armed Veng 4
Armed Veng South 3
Bawngkawn 2
Bethlehem Veng 5
Bethlehem Vengthlang 2
Chaltlang 1
Chaltlang Lily Veng 3
Chanmari 2
Chawnpui 1
Chhinga Veng 15
College Veng 5
Dawrpui 9
Dawrpui Vengthar 1
Dinthar Veng 5
Edenthar Veng 3
Electric Veng 1
Falkland Veng 13
Khatla South 7
Kulikawn 1
Mission Vengthlang 2
Phunchawng 2
Ramhlun North 2
Ramhlun Vengthar 1
Republic Vengthlang 2
Saron Veng 13
Tanhril 3
Tuikual North 1
Tuikual South 4
Tuithiang Veng 6
Ṭhuampui 6
Zarkawt 5
Zemabawk (RIPANS) 8
Zokhawsang 7
Zotlang 2
Sairang Dinthar 2

LUNGLEI DISTRICT
Lunglei Bazar Veng 1
Lunglei Venglai 2
Lunglei Zotlang 1
Marpara S' 3
Ṭawipui North (ABCI) 3
Ṭawipui North-I 1

SIAHA DISTRICT
College Vaih-II 2
New Siaha West 2
Saikao (Serkawr) 1

CHAMPHAI DISTRICT
Farkawn 1
Vaphai 6
Zokhawthar 3

KOLASIB DISTRICT
Kolasib Diakkawn 11
Kolasib Khuangpuilam 4
Kolasib New Diakkawn 5
Kolasib Project Veng 4
Kolasib (TNT) 4
Kolasib Venglai 2
Kolasib Venglai East 3
Bairabi 1
Hortoki 7
Meidum-II 2
Phainuam 1
Rengtekawn 1
Vairengte 4
Uttarakhand (Vairengte) 1

SERCHHIP DISTRICT
Serchhip 1

LAWNGTLAI DISTRICT
Chawngte Kamalanagar 10
Chawngte-L 7

MAMIT DISTRICT
Mamit 1
Mamit Vengthar 1
Marpara 1
Silsury 1
West Phaileng 1
Lowairpowa (Kanhmun) 1

SAITUAL DISTRICT
Saitual 1

HNAHTHIAL DISTRICT
Hnahthial Electric Veng 1