MSU-in zirlai tiṭha lawmpuina hlân

Mizo Students’ Union (MSU) Gen.Hqrs chuan June 30, Nilaini zan khan kumin HSSLC Examination-a Mizo zirlai top 3-a langte lawmpuina buatsaihin, MSU Award leh MSU Special Award an hlân a; minister of state Robert Romawia Royte-in a hmanpui.

Robert Romawia Royte chuan, zirlai lawmpuite chu Mizo ram leh hnam tan hual an nih thu sawiin, an zir zelna turah hlawhtling tlaka theihtawp chhuah turin a chah a ni.

HSSLC 2021-a arts, science leh commerce-a ti ṭha zual mi pathum ṭheuh hnenah lawmpuina hlan a ni a; Padma Shri dawng tura thlan B Sangkhumi hnenah MSU Award 2021 hlan niin, beng ṭha lo chunga HSLC-a distinction-a pass HK Lalrinawmi, Kolasib H/S hnenah MSU Special Award 2021 hlan a ni.