COVID-19: Mizoram dinhmun : Hripui vei 417 hmuh belh a ni

June 30, Nilaini khan Mizoramah Covid-19 vei mi 417 hmuh chhuah a ni a, kumin June thla chhungin mi 8,093 hmuh niin, hmuh chhuah tam ber thla a ni. Nimin khan hripui laka fihlim tawh mi 254 chhuahtir an ni thung.

Covid-19 vei hmuh tharte chu mipa 227 leh hmeichhia 190 niin, Aizawla veng 36 leh khua/hmun dang 23-a mite an ni a; ZMC laboratory-a hmuh chhuah 147, TrueNAT-PCR hmanga hmuh 12 leh RAT hmanga hmuh 258 an ni.

June 2021 chhungin Mizoramah hripui vei mi 8,093 hmuh chhuah a ni tawh a, hripui vei hmuh chhuah tam ber thla niin, a hmaa hmuh chhuah tam ber thla - May-a hmuh zat 6,268 aiin 1,825-in a tam zawk.

Mizoramah Covid-19 vei mi 20,492 hmuh chhuah a ni tawh a, mipa 11,752 leh hmeichhia 8,740 an ni. Nimin tlai dar 5 thleng khan mi 16,442 (80.24%) chhuahtir an ni tawh a, mi 93 (0.45%) thi tawhin, enkawl mek mi 3,957 (19.31%) an awm.

June 30, Nilainia swab sample endik dan chu - ZMC laboratory-ah 985, TrueNAT hmangin district pariatah 266 leh RAT hmangin district 10-ah 1,984 a ni a, a vaiin sample 3,235 (mipa 2,070 leh hmeichhia 1,165) niin, chu'ng aṭanga hripui vei hmuh chhuah 417 chu 12.89% a tling.

Nilainia district-a Covid-19 positive hmuh dan chu - Aizawlah mi 358, Siahaah 24, Lungleiah 12, Mamitah 10, Kolasib-ah pasarih, Lawngtlaiah pathum, Serchhipah pahnih leh Champhaiah pakhat a ni.
Hripui vei hmuh thar mi 417-te chu natna (symptom) lang chhuak 92 leh lang lo 325 an ni a; tualchhunga kái 398 leh tun hnaia state páwn aṭanga rawn lut 19 niin, tualchhunga kái zingah kàina chin hriat loh mi 103 an awm.

Mi 417 zingah naupang 100 chuang an awm a, nausén kum khat tling lo pali an tel. Kum 60 chung lam mi 20 chuang an awm a, a upa ber chu kum 100 a ni.
Hmuh chhuah an tam chhan hi TNT, Muanna Venga mi 127 an tel vang a ni a, anni hi June 30-a hmuh chhuah ni loin, June 24, 2021-a hmuh chhuah tawh, result siamfel nghal theih a nih loh avanga result tihchhuah tlai a ni.

Nimin khan tlai dar 5 thlengin hripui laka fihlim tawh mi 254 chhuahtir an ni a; Aizawl district-ah mi 121, Kolasib district-ah 75, Lawngtlai district-ah 32, Siaha district-ah pasarih, Mamit district-ah paruk, Lunglei leh Serchhip district-ah pali ve ve, Hnahthial district-ah pathum leh Saitual district-ah pahnih an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,709 hmuh chhuah a ni tawh a, TrueNAT-PCR hmangin 1,297, RAT hmangin 12,485 leh Guwahati-ah pakhat hmuh chhuah a ni tawh.

June 29, 2021 thlengin Mizoramah swab sample 4,88,984 endik a ni tawh a, chu'ng aṭanga Covid-19 positive hmuh tawh zat 20,492 chu 4.19% a ni. Hripui vei hmuh tawh zinga mi 16,638 chu Mizoram chhunga kái chhâwng an ni a, mi 3,854 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 1
Armed Veng 11
Armed Veng South 23
Bawngkawn 10
Bethlehem Veng 5
Bethlehem Vengthlang 7
Central Jail 8
Chaltlang 5
Chaltlang Lily Veng 4
Chanmari 11
Chawlhhmun 1
Chawnpui 1
Chhinga Veng 14
Dinthar 2
Durtlang (BSF) 2
Electric Veng 2
Falkland Veng 2
ITI Veng 1
Phunchawng 1
Ramhlun North 10
Ramhlun Sports 1
Complex
Republic Vengthlang 1
Ramthar Veng 4
Saron Veng 13
TNT, Muanna Veng 127
Tuikhuahtlang 7
Tuithiang Veng 5
Tuikual South 3
Upper Republic 4
Venghlui 1
Venghlui 16
Zarkawt 2
Zemabawk North 5
Zotlang 1
Zuangtui 7
Assam Rifles 3
Lengpui 3
Sairang 3
Sairang Dinthar 18
Seling 2
Sihphir 2
Thingsulthliah (BRTF) 9

LUNGLEI DISTRICT
Lunglei Bazar Veng 2
Lunglei Chanmari 2
Lunglei College Veng 1
Lunglei Electric Veng 4
Lunglei Venglai 2
Chawngte 1

SIAHA DISTRICT
Saikao (Serkawr) 24

CHAMPHAI DISTRICT
Sazep 1

KOLASIB DISTRICT
Bairabi 2
Kolasib Hmarveng 1
Rengtekawn 1
Saihapui-K 1
Vairengte 2

SERCHHIP DISTRICT
Serchhip Darnam Veng 1
Dawngzawl (BSF) 1

LAWNGTLAI DISTRICT
Lawngtlai Bazar Veng 1
Kamalanagar 2

MAMIT DISTRICT
Mamit Hmunsam 2
Mamit Vengthar 1
Thinghlun 4
Vawngawnzo 1
Silsury 1
Churaibari, Tripura