Ramria IR sipaite thingtuah tur laksak Phaisen bula kawng pinna bang ṭhiat

Phainuam khawtlang chuan ramri buai vanga ramria duty mek Mizo IR sipaite thing tuah tur nimin zing khan an lâksak. Thingtuah lâk hi Phainuam VC leh YMA bultuma huaihawt a ni a, ṭhalai eng emaw zat hnatlangin, Saihapui-V khaw daia Mizo IR sipai duty mekte eirawngbawlna tur thing pik-up phur hnih an la a ni.

Hetih lai hian, Phaisen bul ramria Dholchhora mipuiin an state china ngaihah kawngpui an laih chhiat leh an pin chu an ṭhiat tawh a, lirthei erawh an la tlân rih lo.

Phaisen luh dawn khaw dáiah Dolchhora mipuiin October 20, 2020 khan an state chinah kawngpui an laih chhiat bakah, kaltlang theih loh turin an ping a; Dolchhora mite bawkin November 3 khan bang an siam chu an ṭhiat a, kawng pawh an hnawh (siam) nghal nia thu dawn a ni.

Thu dawn danin, November 3, Thawhlehni khan Dolchhora khawtlang hruaitu (Panchayat)-te leh Phaisen Village Task Force hruaitute chu Kolasib district-a Border Safety Monitoring team hotute hoin kawngpui an pinna bulah an inbia a ni. Inbiakna hi Dolchhora khawtlang hruaitute'n Phaisen khawtlang hruaitute hnenah inbiak an duh thu November 2 zana an thlen anga neih a ni a; an inbiak zawhah kawng pinna bang chu tichhiain kawng pawh an siam nghal a ni.