Covid-19 vei mi pakhat thi

Salvation-a (73), Saiha­­pui-K, Kolasib district chu July 1, Ningani zan dar 10 khan Kolasib District Hospital-ah a thi a, Covid-19 positive a nih avangin Mizorama hripui vei thi 94-na a ni a, nimin khan vui a ni.

Thu dawn danin, Sal­vation-a hi a damlo a, Covid-19 natna ang a neih avangin Ningani zan khan Kolasib District Hospital-ah Rapid Antigen Test hmangin a swab sample endik a ni a, Covid-19 posi­tive a ni tih hmuh chhuah a ni. Damdawi-inah dah luh (admit) a ni hman lo a, damdawi-ina holding ward-a a awm laiin a thi a ni.

Mizoramah Covid-19 vanga thi October 28, 2020-ah an awm ṭan a; kum 2020 chhungin mi pariat thiin, kuminah nimint lai dar 5 thlengin mi 87 an thi tawh. Sorkar chhinchhiah angin, hripui léng thawh khatna laiin mi 11 an thi a, thawh hnihna chinah mi 83 an thi tawh a ni.