COVID-19: Mizoram dinhmun : Hripui vei 278 hmuh belh a ni

July 1, Ningani khan Mizo­ramah Covid-19 vei mi 278 hmuh chhuah a ni a, hripui vei mi pakhat a thi. Nimin khan tlai dar 5 thlengin hripui laka fihlim tawh mi 183 chhuahtir an ni thung.

Covid-19 vei hmuh tharte chu mipa 160 leh hmeichhia 118 niin, Aizawla veng 32 leh khua/hmun dang 28-a mite an ni a; ZMC laboratory-a hmuh chhuah 65, True­NAT-PCR hmanga hmuh 13 leh RAT hmanga hmuh mi 200 an ni.

Mi 278 zingah nau­pang kum tling lo 60 vel telin, symptom nei 20 chuang an awm a, nausén kum khat tling lo pasarih telin, an zinga panga chu symptom nei an ni. Kum 60 chung lam mi 20 vel an awm a, symptom nei awm nualin, a upa ber kum 89 mi pawhin symptom a nei.

Mizoramah Covid-19 vei mi 20,770 hmuh chhuah a ni tawh a, mipa 11,912 leh hmeichhia 8,858 an ni. Nimin tlai dar 5 thleng khan mi 16,728 (80.54%) chhuahtir an ni tawh a, mi 94 (0.45%) thi tawhin, enkawl mek mi 3,948 (19.01%) an awm.

July 1, Ningania swab sample endik dan chu - ZMC laboratory-ah 1,015, TrueNAT hmangin district pariatah 279 leh RAT hmangin district 11-ah 2,712 a ni a, a vaiin sample 4,006 (mipa 2,235 leh hmeichhia 1,771) niin, chu'ng aṭanga hripui vei hmuh chhuah 278 chu 6.93% a tling.

Nilainia district-a Covid-19 positive hmuh dan chu - Aizawlah mi 167, Kolasib-ah 34, Hnahthialah 26, Lunglei leh Lawngtlaiah 17 ve ve, Mamitah pariat, Siahaah panga leh Champhaiah pali a ni. Hripui vei hmuh thar mi 278-te chu natna (symptom) lang chhuak 131 leh lang lo 147 an ni a; tualchhunga kái 271 leh tun hnaia state páwn aṭanga rawn lut pasarih niin, tualchhunga kái zingah kàina chin hriat loh mi 112 an awm.

ZMC-a hmuh chhuah mi 65-te chu tualchhunga kái vek niin, kàina chin hriat loh pakhat a awm a, symptom nei 10 an tel. TrueNAT hmanga hmuh mi 13-te chu tualchhunga kài 11 leh state pawn aṭanga tun hnaia lut pahnih niin, kàina hriat loh pahnih an awm a, symptom nei pakhat a awm.

RAT hmanga hmuh mi 200-te chu tualchhunga kái 195 leh state páwn aṭanga tun hnaia lut panga niin, tualchhunga kái zingah kàina chin hriat loh 109 an awm a; symptom nei mi 120 an awm a ni. Nimin khan tlai dar 5 thlengin hripui laka fihlim tawh mi 183 chhuahtir an ni a; Aizawl district-ah mi 98, Kolasib district-ah 34, Lawngtlai district-ah 18, Lunglei district-ah 16, Siaha district-ah 10, Hnahthial district-ah panga leh Mamit leh Khawzawl district-ah pakhat ve ve an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 6,774 hmuh chhuah a ni tawh a, TrueNAT-PCR hmangin 1,310, RAT hmangin 12,685 leh Guwahati-ah pakhat hmuh chhuah a ni tawh.

July 1, 2021 thlengin Mizoramah swab sample 4,92,990 endik a ni tawh a, chu'ng aṭanga Covid-19 positive hmuh tawh zat 20,770 chu 4.21% a ni. Hripui vei hmuh tawh zinga mi 16,909 chu Mizoram chhunga kái chhâwng an ni a, mi 3,861 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Aizawl Venglai 1
Armed Veng 4
Armed Veng South 3
Bawngkawn 1
Bethlehem VT 28
Central Jail 13
Chaltlang Lily Veng 1
Chanmari 12
Chanmari West 3
Chawlhhmun 5
Chhinga Veng 10
College Veng 4
Dawrpui 2
Dinthar 13
Electric Veng 2
ITI Veng 1
Laipuitlang 2
Ramthar Veng 2
Republic Veng 1
Salem Veng 7
Saron Veng 5
Tanhril 1
TNT, Muanna Veng 2
Tuikual North 2
Tuikual South 4
Tuithiang Veng 8
Ṭhuampui 5
Vaivakawn 4
Venghlui 7
Zemabawk 1
Zotlang 4
Zuangtui 1
Falkawn 1
Hualngohmun 1
Sairang Dinthar 3
Sihphir 1

LUNGLEI DISTRICT
Lunglei Chanmari 3
Lunglei Electric Veng 6
Lunglei Rahsi Veng 1
Lunglei Venghlun 1
Lunglei Venglai 1
Lunglei (199 Bn. BSF) 1
Hrangchalkawn 3
Hrangchalkawn (ABCI) 1

SIAHA DISTRICT
Siaha 1
Saikao (Serkawr) 5

Champhai district
Champhai Electric Veng 2
Champhai Kahrawt 1
Vaphai 1

KOLASIB DISTRICT
Kolasib Diakkawn 8
Kolasib New Diakkawn 1
Kolasib Project Veng 2
Kolasib Venglai 2
Kolasib Venglai East 1
Kolasib Vengthar 5
Bairabi 2
Hortoki 1
Phaisen 9
Saihapui-K 2
Vairengte 1

LAWNGTLAI DISTRICT
Betbonia 1
Chawngte Kamalanagar 3
Karlui-I 11
Nghalimlui 2

MAMIT DISTRICT
Mamit Dinthar Veng 1
Mamit Police Complex 1
W. Phaileng Electric 2
Zomuantlang 1
Jalabassa (Kanhmun) 1
Kotamoni (Kanhmun) 1
Saisimdung (Kanhmun) 1

SAITUAL DISTRICT
Thanglailung 1

HNAHTHIAL DISTRICT
Maudarh (ABCI camp) 26