Covid vaccine dose 5,95,259 pe tawh

Kumin January 16 aṭanga July 3, Inrinni thleng khan Mizoramah Covid-19 laka invênna damdawi (vaccine) Covishield dose 5,95,259 pek a ni tawh a, mi 5,34,860 hnenah dose khatna pek tawh niin, chu'ng zinga mi 60,399 chuan vaccine an dawng kim tawh.

Covid-19 vaccine hi Mizoramah sorkarin mi 5,33,403 hnenah an pe tawh a, chu'ng zinga mi 60,228 chuan dose hnihna an dawng tawh. Private facility-ah first dose mi 1,457 hnenah pek tawh niin, mi 171 hnenah second dose an pe tawh. Sorkar leh private facility-a vaccine pek tawh zawng zawng chu dose 5,95,259 a ni.

Chawlhkar liam ta, June 28 - July 3 chhung khan Mizoramah Covid-19 vaccine dose 49,815 pek a ni a, chu'ng zinga dose 40,622 chu kum 18-44 inkarte hnena pek niin, pek zawng zawng aṭangin 81.55% a tling.

Kum 18-44 inkarte hnena pek hi dose khatna deuh vek a ni a, dose hnihna dawng tawh mi 98 chiah an awm. Kar hmasa chhunga pek zat dose 40,622 hian a hma kara pek zat dose 1,21,824 a pha lo hle a ni.