Hmunghak khua an luang chhuak Aizawl South-II MLA-in a lo do lêt

Hmunnghak khaw mipuite chuan hripui léng avanga khawpui lama harsatna sutkianpui nan July 3, Inrinni khan an thlai ṭhahnem tak Aizawl South-II bial mipui tan an pe a, bialtu MLA Lalchhuanthanga'n Rs. 30,000-in a lo do lêt.

Lalchhuanthanga chuan, sorkarna fawng vuantu an nih loh avangin an tih theih a tam lo tih sawiin, "Kan tih theih chinah chuan tlànchhiat kan tum lo. Hripui boruakah kut hnathawktute'n harsatna nasa tak an tâwk tih kan hriatpui a, vegetable supply chain kalpui turin sorkar vawi tam kan nawr a, tun thlengin tih a la ni lo. Kan theih tâwk hi min lo pawmsak kan beisei," a ti.

Hmunnghak khaw thlai thar Aizawla an rawn phurh thlente chu Aizawl South-II ZPM block leh unit hruaitute'n an lo dawngsawng a, Salem Veng LTF-in ṭha an tih anga sem turin an kutah an dah a ni.