Minister-in khawtlang mamawh a enpui

Minister C Lalrinsanga chuan July 3, Inrinni khan a bial, Buarpui tlangdunga khaw pasarih a tlawh a, khawtlang mamawh leh harsatna a enpui.

C Lalrinsanga chuan, hripui léng karah sorkarin ei leh bara intodelh tura hma a lakna tihlawhtling turin kut hnathawktute thawhpuiah a sáwm a,"Rainfed Area Development (RAD) hnuaia hmalakna ṭangkai zawk leh a zau thei ang bera a mamawh leh hlawhtlin tumte'n an hman ṭangkai turin lian zawka hmalak tum a ni," a ti.

Minister chuan, Covid-19 léng donaa village task force-te leh mipui ṭhahnemngaihna fakawm a tih thu a sawi a; thâ thlah loa fimkhur chhunzawm zel turin a chah bawk.

C Lalrinsanga hian a bial chhunga khaw hrang hrangah infiamna hmanruate a pek bakah, VTF-te hnenah pawisa leh hripui dona hmanruate a pe a ni.