END-in special drive nei

Excise & Narcotics department (END) chuan thuchhuah siamin, Krismas leh kum thar vuakvet chhungin hmun hrang hrangah special drive an nei a, zu leh ruih­hlo vanga mipuite'n harsatna an neih loh nan theihtawp an chhuah tih an tarlang.

END thuchhuah tarlan danin, END hian an station hrang hrang bakah, hunpui puala Aizawl dái - Phunchawng leh Tuiriala temporary beat post pahnih an siamahte an duty a; temporary beat post-te hi December 29 leh 30, 2017 khan END secretary KT Beicho chuan a tlawh a ni.

END-te hian Krismas vuakvet, De­cember 21-30, 2017 chhung khan special drive bikah mi 20 an man a; sap zu ûm puitling 104, ûm chanve 113, beer can 161, rakzu litre 323 leh heroin miligram 290 an man a ni, END thuchhuah chuan, kum dang zawng aiin kum 2017 Krismas vuakvetah zu leh ruihhlo vanga buaina a tlem niin an tarlang.