DDK hotute leh Larsap an inkâwm

Doordarshan Kendra (DDK), Aizawl head of office KC Jain leh deputy director (News) AK Jain-te chuan nimin khan Raj Bhavan-ah Governor Lt.Gen. Nirbhay Sharma an kâwm.

Governor chuan, Mizoram tihmasawn turin DDK leh All India Radio-te’n mawhphurhna sang tak an nei tih sawiin, "Mizoram chhung mai ni lo, ram páwn thlenga an programme-in mipui tam zawk a thlen theih nana hmalak a pawimawh. Mizo ṭhalaite'n Hindi thiam an châk a, a tel lo chuan India ram chhungah an thiamnate chhawr ṭangkai theih a ni dawn lo," a ti a; Mizo ṭhalaite'n Hindi an thiam­na turin an programme-te pawh her danglam hret hret turin a chah.

DDK Aizawl hotute chuan, an programme-te fiah leh thui zawk a thlen theih nan hma an lak mek thu leh mipui tan theihtawp chhuah an tum thu Larsap hi a hrilh a ni.