Arsa leh artui aṭangin COVID-19 darh lo

Animal Husbandry & Veterinary department chuan thuchhuah siamin, arsa leh artui aṭangin COVID-19 (Co­ro­navirus) natna a darh anga thehdarh a ni chu pawi an tih thu leh, thu dik lo a nih thu an tarlang a, "Thuthang dik lo hi mipui tan a ṭha lo a, chaw ṭha - artui leh arsa ei tîmna chhan tur a awm lo," an ti.

AH&Vety thuchhuaha tarlan danin, COVID-19 léng chungchang chu sorkar laipuia Department of Animal Husbandry & Veterinary-in a thawhpui World Animal Health Organisation (OIE) nen ṭang tlangin uluk taka zirin an ngaihven reng a; tun thlengin ar leh ran dang aṭanga kai report belhchian dâwl a awm lo a, mihring leh mihring inkai chhâwn vek a ni.