KHAWTHLIR

MST Bus
Transport department chuan Krismas leh kum thar chawlh vanga MST bus-te an tlantìr loh hnuah January 6, Inrinni aṭangin thingtlang khaw hrang hrangah bus an tlantir chhunzawm leh dawn a; Aizawl-Guwahati inkara MST bus tlan ṭhin chu January 8, Thawhṭanniah a tlan ṭan ang. Transport department hian bus tlan thei 41 an nei mek a ni.

Mi pathum man
Aizawl district Anti Tobacco Squad member-te chuan nimin khan Zemabawk leh Bawngkawn inkara sorkar pisa, damdawi-in leh bazarahte vaihlo kaihhnawih dan bawhchhia an awm leh awm loh an enfiah a; dan bawhchhia mi pathum manin, pawisa an chawitir.

Constable result
Police department-in police constable tur a lakna result chu January 3, 2018 khan tihchhuah a ni a, armed branch-ah mi 350 leh unarmed branch-ah mi 75 tlingin, an vaiin mi 425 an tling. Panel list-ah armed branch-ah mi 20 leh unarmed branch-ah mi pariat an awm.

Kum thar thingpui
Information & Public Relation department leh MJA chuan vawiin chawhma dar 11:30 hian IPR auditorium-ah kum thar thingpui an inho dawn a, MJA member Aizawla awmte chu tel vek tura sâwm an ni.

Chhiah sang
Transport department chuan thuchhuah siamin, Mizorama Good & Service Tax (GST) hman a nih tak avangin smart card siamnaah tax 18% lak a nih tur thu a tarlang a, "Smart card siam
nana Rs. 94.50 sen ngai ṭhin chu January 1, 2018 aṭangin rate thar Rs. 105.70 sen a ngai tawh ang," an ti.