Hâlpuah hâl luih pawi ti

Mizoram Police chuan thuchhuah siamin, Krismas leh kum thar vuakvetah hâlpuah hâl lo tura sorkar thupek zâwm lo mi ṭhenkhat an awm chu pawi an tih thu an tarlang.

Mizoram Police chuan, hâlpuah hâl chu danin a khap avangin hâl an tlem tawh a, hmasawnna awm tih sawiin, "Hâlpuah khap chungchangah hian khawtlang hruaitute thlàwpna kan dawng ṭha a, a lawmawm hle. A bikin Bethlehem Veng leh Kulikawn khawtlang hruaitute leh mipui chungah min thlàwp ṭhatnaah lawmthu kan sawi a ni," an ti a; mipui thlawpna hmu ṭha lehzual se chuan tun aiin a hlawhtlin an rin thu an sawi.

Kum 2017 Krismas leh kum thar 2018 vuakvet chu mipuite'n hlim leh rálmuang taka an hman theih nan Mizoram Police-te'n theihtawpin hma an la tih sawiin, "Hmun hrang hrangah duty-te insiamin, YMA leh tlawm­ngai pawl hrang hrang thawh­puina kan dawng ṭha a, mipui­in kan duty-te min thlàwp ṭhat avangin kan lawm hle a ni," an ti.