NABARD-in nuai 12329.87 a pe chhuak

NABARD chuan Mizoram sorkar hnenah Rural Infrastructure Development Fund (RIDF XXIII) aṭangin cheng nuai 12329.87 a pe chhuak (sanction) a; sum hmanna tur chu kawng siamna tur project pali leh lei dawhna tur project pakhat a ni.

Project pangaa sum hman tura ruahman chu cheng nuai 13,699.85 a ni a, Mizoram sorkarin tum tur a nei ve dawn. Project panga zinga Public Works Department (PWD) thawh turte chu - Improvement and Strengthening of Champhai-Khawbung Road upto R Khawchhaktuipui, Champhai district; Approach road to Marpara South, Lunglei district; Construction of Rigid Pavement from Buhchang to Phaisen Road, Kolasib district; Construction of Chheihlu-Chakhang Road, Siaha district leh Construction of Double Lane Built-Up Steel Girder (BUSG) Bridge over River Langkaih, Mamit district-te a ni.

Sorkar thuchhuah tarlan danin, road project pahnih - Approach Road to Marpara South leh Construction of Rigid Pavement from Buhchang to Phaisen Road-te chu kum 2018-19 chhunga zawh hman beisei a ni.

Road project pakhat, Construction of Chheihlu-Chakhang Road, Siaha district leh Construction of Double Lane Built-Up Steel Girder (BUSG) Bridge over River Langkaih-te chu kum 2019-20 chhunga zawh hman beisei a ni a; Champhai-Khawbung Road chu kum 2020-21 chhunga zawh hman tura ruahman a ni bawk.