Central YMA-in Chief Secretary an ngen

Central YMA hruai­tute chuan nimin khan an president Vanlalruata hoin chief secretary Lalnunmawia Chuaungo a pisa-ah an kâwma, ramri chung changa Assam Chief Secretary nen inbiaknaah Mizoram tan theihtawp chhuah turin an ngen.

CYMA hruaitute chuan, July 9, 2021-a Mizoram leh Assam chief secretary-te New Delhi-a an inbiak hun­ah Mizoram mipui hmakhua ngaia theihtawpa ṭan la turin Lalnunmawia Chuaungo chu an ngen a; CS Lalnunmawia chuan, Mizoram leh Mizo mipui tan theihtawp a chhuah tur thu CYMA hruaitute a hrilh.

Chief Secretary hi mahni duh thua Tripura-a pêm tawh Bru-te Mizoram electoral roll aṭanga paih a, Tripura elec­toral roll-a sawn an nih theih nan hmalakpui turin CYMA hruaitute hian an ngen bawk.