Nau pâite hnenah vaccine pe ṭan dawn hnai

Nau pâite hnenah Covid-19 laka invenna damdawi (vaccine) pek theih a ni tawh a, vawiin hian Ministry of Health and Family Welfare (MoHFW) ruahman angin state leh district-te tan orientation/training neih a ni dawn.

Sorkar thuchhuah tarlan danin, MoHFW chuan nau pâi mekte Covid-19 vaccine pek theih a nih thu July 2, 2021 khan a puang a; state leh district-a orientation/training zawh hnuah chauh nau pâi mekte hnenah Covid-19 vaccine pe chhuak tura a tih avangin, Mizoram Health department chuan dawhthei taka lo nghak turin mipui a ngen a ni.