Project Thlai leh Thei sawiho a ni

Serchhip DC Kumar Abhishek hoin nimin khan DC meeting hall-ah sorkar official-te'n ‘Project Thlai leh Thei’ kalpui dan tur an sawiho. Project hi thla 20 chhunga zawh tura duan a ni.

Project Thlai leh Thei-in a tumte chu, district chhunga thlai leh thei thar chi hrang hrangte zir chian a, chhinchhiah te, tam zawk leh hlâwk zawka thar a nih theih nan loneitute ṭanpui leh an thar chhuahte mumal taka thliar fel (process & branding) leh hlâwk zawka hralh dan zawnte a ni.

Ṭhutkhawmah hian zir chianna neih dan tur ruhrel buatsaih dan tur te, mithiam (research scholar) hmuh dan turte leh thil pawimawh dangte sawiho a ni a; Serchhip district chu bial pali-ah ṭhen niin, bial tinah a zir chiangtu tur mithiam team pahnih - processing leh a hralhna lam dap turte tirh a ni ang.

Project-ah hian Serchhip DC chu nodal officer leh Tribal Research Institute Mizoram chu executing department a ni dawn a; Horticulture department, Mizoram University, Horticulture College & Research Institute, Thenzawl leh expert agency dangte an thawkho a ni.