Kolasib-ah sangha khawi inzirtir

Nimin khan Kolasib-ah sangha khawia eizawnna tihhmasawnna tur leh thiamna thar hmanga hlâwk zawka sangha khawi kalpui dan zirna, Training on Promotion of Fresh­water Aquaculture for the Development of Fisheries and Livelihood Improvement of NEH People neih a ni a, DC Dr H Lalthlangliana'n a hmanpui.

Training hi Kolasib District Fisheries Develop­ment Office (DFDO) leh ICAR-Central Institute of Freshwater Aquaculture, Kausalyaganga, Bhuba­neswar buatsaih a ni.

Sangha chi ṭha - Jayanti Rohu khawi ṭanna turin Kolasib district-ah March 17, 2021 aṭang­in Rs. 9,50,000 vel séng­in Demonstration in Aqua­culture for Carp Culture Project 2020-21 kalpui a ni a; sangha khawitu thlante hnenah Jayanti Rahu sangha, a chaw, a chaw siamna (pellitizer & grinder), lime, nursery drag net, water pump leh hmanraw hrang hrang sem a ni.