Pawi khawihtute man leh hrem phût

Kàwlbêm Welfare Committee, Aizawl chuan thuchhuah siamin, an khaw pa Daikhanlama s/o Gindothanga, July 2, 2021-a Ngopa Ruihhlo Do Pawl intite'n dan piah lamah râwng taka kut an thlak leh a thih phah chu an dem tak zet thu an tarlang a; pawi khawihtute dan anga man ngei an phût.

Kawlbem Welfare Committee chuan, July 4, 2021 tlai dar 6:30 thlenga pawi khawihtute man an la ni lo chu pawi an tih thu sawiin, "Thu dik tak hai lana a awm thuai theih nan leh pawi khawihtute a rang thei ang bera man an nih a, dan ang taka an chunga rorel a nih theih nana chak taka hma laksak turin thuneitute kan ngen a ni," an ti.

Selam Welfare Committee, Aizawl pawhin thuchhuah siamin, Daikhanlama, Kawlbem chunga thil thleng chu an dem thu leh a thihnaa mawhphurtute mana hrem ngei an phût thu an tarlang bawk.