West Phaileng-ah CKṬP pandal sa chhunzawm

West Phaileng khelmuala kumin March thlaa KṬP General Con­ference vawi 57-na neihna tur pandal sak lai chim chu January 5, Zirtawpni aṭang khan sak ṭhat leh ṭan a ni a, inkhawmpui huna peih hman ngei turin ngawrh taka sak chhunzawm tum a ni.

Pandal sak ṭhat ṭan hnatlangah hian, hna ṭan hmain an hna thawh tur chu Conference Or­ganising Committee chairman Rev. F Lal­­sangkima, West Phaileng bialtu pastor-in Pathian hnenah ṭawngṭaiin a hlan a; hnatlangah hian West Phaileng Pastor biala mipui bakah, Rawpuichhip Bial aṭang­in bialtu pastor Rev. Ro­siamliana Tochhawng hoin KṬP member 150 vel an thawk chhuak a ni.

KTP General Confe­rence hi March 1-4, 2018 chhunga neih tur a ni a; nikum lama pandal an sak ṭan chu December 27, 2018 zanah thli tleh vangin a chim a ni.

Pandal hi Central YMA pandal ruhrel leh Synod pandal ruhrel hmangin sak ṭhat a ni a, mi 10,000 lenga sak tum a ni.