MLA-in free clinic buatsaih

Siaha bialtu MLA Dr K Beichhua chuan Thosai khaw mipui ngenna angin January 6, Inrinni khan Thosai khuaah a thlawna inentirna, free clinic a buatsaih a, mi 180 vel inentirin, a ṭul angin damdawite a thlawnin a pe nghal. Dr K Beichhua hian MLA Local Area Development Fund hmangin free clinic hi a buatsaih a ni.

Dr K Beichhua chuan, Thosai khuaah hian JNV School sak lai leh polytechnic building sak mekte a tlawh nghal a; kum 2011-a sak ṭan JNV building tun thlenga sak zawh loh a la ni chu pawi a tih thu te, polytechnic building sakna tura sorkar laipui sum ruahman first instalment pek chhuah a nih hnua tun thlenga second instalment pek a la ni lote chu pawi a tih thu a sawi.