KHAWTHLIR

CYMA pisa
Central YMA pisa, press leh YMA sub-headquarters pisate chu nimin khan kumin atan hawn a ni. CYMA pisa hawnna inkhawmah CYMA president Vanlalruata chuan, kum thar a nih anga inpekna nasa zawka ṭan la turin office staff-te a fuih a, "Inlêng lo dawnsawn danah pawh pisa dang ang lo taka YMA pisa a nih ang ngeiin, hawihhâwm taka lo dawnsawn a nih ṭhin avangin a lawmawm hle a ni," a ti.

Tlân phal lo
Traffic SP chuan thupek chhuahin, SIPMIU-in January 8-21, 2018 chhung Durtlang SBI Office leh Zuangtui kawng inkar siamṭhat hna zing dar 9:30 leh tlai dar 4 inkarah an thawh dawn avangin, hna thawh hun chhungin lirthei tlân leh hnathawh tibuai theia kawng sira lirthei dah a khap.

UPC pisa
UPC (North East) pisa, bookstall, sikul leh hmun pawimawh dangte chu kumin atan nimin khan hawn a ni. General Headquarters Office hawn inkhawmah Rev. Zohmingthanzama, Rev. R Lalhawia leh Rev. R Lalhawia ten thawktute tan fuihna thuchah an sawi a, kumin 2018 chhunga malsawmna leh hruaina dilin Pathian hnena inhlantharna hun an hmang nghal.

Sem dawn
Vawiin hian UDPA minister Zodintluanga pisaah Aizawl khawpui chhunga Krismas puala kâwn/khawlai chei mawi lawmman sem neih a ni dawn. Hemi rual hian Pachhunga University College, Aizawl Theological College, HATIM leh AICS-a Zero Waste Management Project kalpui turah work initiation order hlanna neih a ni ang.

E.Roll siamtha
Aizawl District Election Officer chuan thuchhuah siamin, Aizawl district chhunga constituency 14-a electoral roll-a service voter chu January 1, 2018 angin siamṭhat a nih thu a tarlang a, "He electoral roll siam-
ṭhat hi a duh tan Electoral Registration Officer & Assistant Electoral Registration Officer-ahte ngaihven theih a ni," a ti.