Minister-in ramria VTF duty a tlawh

Champhai South bialtu MLA TJ Lalnuntluanga, minister of state chuan nimin khan a bial chhunga Covid-19 donaa Indo-Myanmar ramria VTF duty post a tlawh a, HSLC leh HSSLC pass tharte hnenah lawmpuina a pe bawk.

TJ Lalnuntluanga hian Mélbûk, Zokhawthar, Ruantlang leh Tlangsama VTF duty post 10 a tlawh a; African Swine Fever khuahkhirh a nih theihna tur kawnga thawhlawm thawh tura bial fangkual a nih thu sawiin, "Covid-19 léng laka kan him tlan theihna tura VTF duty-te thawhrimna hriatpui leh hmuhpui tura lo kal ka ni. Ram sum leh pai dinhmun enin hripui hmachhawn huphurhawm viau mah se, ṭanrualna ṭha tak kan neih avanga tun dinhmun thleng thei kan ni hi a fakawm tak zet," a ti.

Hmabak tam tak a la awm thu sawiin Minister chuan, "Kum sangbi chuang lo inkaihruaia inrêlbâwl tawh ram hmasawnte chu zirna, thiamhnáng deh, sumdawnna, infiamna leh thil dangahte tluk pha thei turin theihtawp kan chhuah a ngai a ni," a ti a; ei leh bara intodelh leh zirna lam hawi uar zawka sawi ṭhin a ṭul thu a sawi.

TJ Lalnuntluanga hian khaw­tlang hruaitute kaltlangin zirlai pass thar 69 hnenah lawmpuina a hlan a, VTF leh ramria duty-te hnenah pawisa, ei leh in tur leh hmanrua eng emaw zat a pe bawk.