ASEP for Dampa hawn a ni

Association for Environmental Preservation (ASEP) chuan nimin khan an pisaah Dampa chhanchhuah beihpui thlakna, ASEP for Dampa hawnna hun an hmang.

ASEP for Dampa programme hi ASEP General Assembly-in 'Dampa Tiger Reserve hi awmze nei zawka humhalh a nih theih nan hmalak ni se,' tih a pass tawh bawhzuina a ni a; ASEP president K Lalmuansanga'n programme hi hawngin, programme kalpui zuitu bik convener atan Lalzarzova leh secretary atan Hmingthansanga Ralte-te ruat an ni.

ASEP for Dampa programme hnuaiah hian a bul ṭan nan Dampa chhehvel khuate tlawh chhuah vek an tum a, khawtlang hruaitu V/C leh YMA zawng zawngah ngenna lehkha pek an tum bakah, chhung tinah lutin ngenna lehkha sem an tum a ni.