Tuipuiral-in an bial chhung mi an duh

Tuipuirala tlawmngai pawl hrang hrang, Tui­puiral Group YMA, Block MHIP, Games and Sports Association-te leh Tuipuiral Zirlai Pawl (TZP)-te telna, Tuipuiral NGO Coordination Commi­ttee chuan, kumin tawp lama Assembly inthlan turah East Tuipui biala ding turin an bial mi leh sa ngei ni se an duh thu an tarlang.

Tuipuiral NGO Coor­dination Committee hruaitute January 10, Ni­lainia Khawbunga ṭhu­khawm chuan, "MLA General Election neih turah Tuipuiral hmangaih taka kawng engkima khai chhuaktu tur MLA kan neih theih nan party tinin East Tuipui constituency-a MLA candidate atan Tuipuiral mi leh sa, Tuipuirala in leh lo nei ngei kan duh a, chu chu a remchang ngang lo a nih pawn Tuipuiral chhûl chhuak chauh kan bialah candidate dah turin kan ngen a ni," an ti.

Tuipuiral NGO-te chuan, an bial chhunga hma­sawnna hna thawh hrang hrangte a nihna ang taka thawh a nih theih nan an en zui reng dawn thu an tarlang a; sorkar leh hna thawktute chu a ṭul huna thawhpui an inhuam reng thu an sawi bawk.