Property return chungchang zirho

Vigilance deprartment chuan, nimin khan an auditorium-ah adminis­trative head of department/service controllig au­thority-te tan 'Online Submission of Property Return’ chungchang zirna an buatsaih a, chief secretary Lalmalsawma'n a hmanpui.

Chief Secretary chuan, kum 2016 khan Vigilance department-a online property return thehluh theih tura ruahmanna DPR, Mizoram State e-Governance Society-in a siam chu pawm a nih tawh thu a sawi a, "Vigilance department nen thawhhona ṭha tak hnuaiah meeting-cum-demonstration vawi thum neih a ni tawh," a ti.

Software chu a sum zawnga chhût chuan a enkawl zuina tura sum senso ngaite nen a vaiin Rs. 5,85,62,360 a nih thu sawiin Lalmalsawma chuan, "Mizoram State e-Governance Society-in a thlawn liau liauin an siam a, a lawmawm hle," a ti a; property return leh PAR-te a hun taka theh­luh kawngah sorkar hnathawkte an inthlahdah ṭhin deuha a hriat thu a sawi.

Vigilance department-in online-a property return thehluh buaipui turin officer leh dealing assistant-te dawhkanah computer thar a chhawp vek tawh a; NIC aṭangin internet pawh hruipuia thlun zawmin, 300 mbps-ah an tihsansak tawh a ni.