State Referral Hospital endik leh dawn

State Referral Hos­pital, Falkawn chu medi­cal college dinna atan a tlin tâwk leh tâwk loh Medi­cal Council of India (MCI)-in an enfiah leh dawn.

Health department hotute hnen aṭanga thu dawn danin, MCI hian Mizoram sorkar chu February 2018 chhunga medical college dinna tur atana State Referral Hospital chu an peih hman chuan an endik leh tur thu an hrilh a ni.

MCI hian State Referral Hospital hi ṭum eng emaw zat an endik tawh a, an endik hnuhnung ber chu November 21-22, 2017 kha a ni a, an duh ang a la nih loh avangin medical college din phalna Mizoram sorkar hnenah an la pe lo.

Mizoram sorkarin medical college atana hna 667 lak a phal sak aṭangin mamawh zual post 409 chu Health department chuan hnawhkhah phawt an tum a, hna lak tur zingah hian professor leh assistant professor turte pawh a tel a ni.