Kum 2018 hi hlawhtlin kumah kan puang - Mizoram BJP President

BJP, Mizoram Pradesh pisa chu kum 2018 atan nimin khan hawn a ni a; a hawnna inkhawmah Mizoram BJP president Prof. JV Hluna chuan, Mizoram mipuite kum thar chibai bûkin, "Kum 2018 hi BJP Mizoram Pradesh chuan hlawhtlin kumah kan puang a, chu hlawhtlinna chu election-a tlin a ni," a ti.

Prof. JV Hluna chuan, state dang zawng zawng­ah BJP sorkarna chak takin a kal mek nia sawiin, "Kan ramah pawh hmasawnna tak tak thlen turin BJP kan sorkar a ngai," a ti a; party ṭhenkhat chu social media kaltlangin an tih dik loh hrang hrangah an inchirhtheh tawn a, CBI koh luhahte an invau a, Mi­zorama sorkar ding tawh­te chu corruption-ah an lo fihlîm lo ve ve tih mipuiin an hriat chian thu a sawi.

BJP chu Congress par­ty tan hlauh tur dik tak a ni tih sawiin JV Hluna chuan, "State hrang hranga Congress sor­­karna tlukchhiat zel avang hian Mizoram Cong­ress tan pawh BJP hi hlauh âwm rêng a lo ni," a ti.