Road Safety Week hman dan tur rel

State Road Safety Council chu an chairman John Rotluangliana, Transport minister hoin nimin khan a pisaah an ṭhukhawm a, 29th. Road Safety Week 2018 hman dan tur an rel.

Transport Minister chuan, Road Safety Week chu a hma aia nasa zawka mipui beng a thlen theih nan inhrilhhriatna neih a pawimawh thu a sawi a, "Lirthei chesual vanga chhiatna tihtlem a nih theih nan ṭan lak a ṭul a ni," a ti.

Meeting chuan, kumina Mizorama Road Safety Week chu February 12-18, 2018 chhunga hman turin an rel a; Week pual hian free medical check-up, talk show, live phone-in programme leh thil dangte buatsaih an rel bawk.

Meeting-ah hian Tran­sport, Home, UDPA, Finance, ICT, IPR, Health & Family Welfare, School Edu­cation, Higher & Technical Education leh Excise & Narcotics dett-te an tel a ni.