Bank lem kan tibo - Lal Thanhawla

MPCC president Lal Thanhawla chuan nimin khan Congress Bhavan-ah thu sawiin, Congress party-in sorkarna an chan hnuah Mizorama bank lem leh chhiahpuam ang chi tihbo a nih thu a sawi.

Bank lem leh chhiahpuam ang chi-ah sorkar hmasaah sorkar hruaitute leh kohhrante pawhin pawisa an dah tih sawi a awm thu sawiin Lal Thanhawla chuan, "Congress sorkar aṭangin bank leh chhiahpuam ang chi tihbo a ni. Hetianga tihbo a ni hi a lawmawm hle," a ti.

MPCC President chuan, eng ang pawhin sawiselna awm mah se, Mizoram chu state hmasawn ṭha berte zinga mi a nih thu sawiin, "Hei hi kan sawi a ni lo a, NITI Aayog hi sawi a ni," a ti a; Mizoram chu India rama GSDP ṭha state pali zingah a tel thu a sawi.

Lal Thanhawla chuan, Mizoram chu chaw puar khawp nei lo tlemna ber state a nih thu sawiin, "Hetiang kan nih theihna chhan chu NLUP leh NEDP vang a ni. Sêlna awm mah se, India rama mi pangngai chin chuan ṭha an ti vek a, ecomomist-te'n ṭha an ti zual," a ti bawk.