Seat pun vangin MNF an lâwm

MNF party chuan thuchhuah siamin, Mizoram University leh college hrang hranga zirlaite tan seat tihpun a ni chu an lawm thu an tarlang a; MZU leh college hrang hrang thuneitute chungah leh Higher & Technical Education minister Dr R Lalthangliana chungah an lawm thu an sawi.

MNF chuan, Covid-19 avanga state páwna zirlai tam tak an lo haw avang leh Mizoramah graduate thar eng emaw zat an awm avangin college leh MZU-ah seat mamawh belhna a san thu an sawi a; HTE Minister-in MZU leh college hrang hrang hotute a biak hnuah November 2, 2020 khan MZU thuneitu hrang hrangte ṭhukhawmin seat 10-30%-a an tipung thu sawiin, "Minister-in remhre taka hma a la hi MNF chuan kan chhuangin lawmawm kan ti tak meuh a ni," an ti.