Covid-19 kaihhnawihah zirtirtute duty tir an ni
Aizawl DC office chuan Aizawl district-a zirtirtu eng emaw zat chu Covid-19 kaihhnawihah a duty tir. Zirtirtu 80 vel leh lecturer 30 vel duty tura koh a ni tawh.
Aizawl DC office aṭanga Vanglaini thu dawn danin, zirtirtu ṭhenkhat chu tangkhang rawn hawte lo dawngsawng tura duty zingah telh an ni, ṭhenkhat chu data leh thil pawimawh dangte buaipui tura tih an ni. Zirtirtute hi an duty reng dawn lo a, tangkhang haw rûnpui deuh a awm chángin duty tir an ni.
Lecturer-te chu quarantine facility vil tura ruat an ni a, Aizawl district chhunga sorkar quarantine facility hrang hrang an enkawl a ni.