Covid-19 vei pakhat thih belh

Lalsangliana (70) h/o Thanpuii, Sihphir Damveng chu nimin chawhnu dar 1:40 khan State Referral Hospital (ZMC)-ah a thi a, sorkar chhinchhiah angin Covid-19 vanga Mizorama thi 99-na a ni.

Sorkar thuchhuak tarlan danin, Lalsangliana hi Covid-19 positive a ni tih July 3, 2021-ah hmuh chhuah a ni a, SRH-ZMC-ah enkawl nghal a ni. Sihphir aṭanga thu dawn danin, amah hi stroke leh pneumonia nei sa a ni a, hripui a kài ṭanna hriat a ni lo. Nizan dar 7 khan vui a ni.

Sorkar chhinchhiah angin, Mizoramah Covid-19 vanga thi mi 99 an awm tawh a, tun July thla bikah mi paruk an thi tawh a ni.