Jail-ah Covid-19 vaccine pe

Kolasib District Jail-a awm mek mi 77 chu nimin khan Covid-19 laka invênna damdawi (vaccine) pek an ni.

Kolasib District Jail-ah hian mi 79 an awm a, an zinga pahnih chuan vaccine first dose an la tawh a ni. July 2, 2021 khan Covid-19 an vei leh vei loh endik a ni tawh a, hripui vei an awm lo.

Dan pangngai anga Covid vaccine la thei turin jail tángte zingah docu­ment pawimawh nei tawh lo an awm a, sorkarin vaccine an lâk theih dan tur leh vaccination certificate an neih theih dan tur a ruahman a ni.