COVID-19: Mizoram dinhmun : Hripui vei 301 hmuh belh a ni

July 6, Thawhlehni khan Mizoramah Covid-19 vei mi 301 hmuh chhuah a ni. Nimin khan hripui laka fihlim tawh mi 174 chhuahtir an ni a, hripui vangin mi pakhat a thi.

Covid-19 vei hmuh tharte chu mipa 144 leh hmeichhia 157 an ni a; ZMC laboratory-a hmuh chhuah mi 47, TrueNAT-PCR hmanga hmuh mi 19 leh RAT hmanga hmuh chhuah mi 235 an ni. Mi 301-te hi Aizawla veng 35 leh khua/hmun dang 25-a mite an ni a; Lunglei khawpui bikah veng pasariha mite an tel.

July 6-a hripui vei hmuh thar mi 301-te chu natna (symptom) lang chhuak 188 leh lang lo 113 an ni a; tualchhunga kái 295 leh state páwn aṭanga tun hnaia rawn lut paruk niin, tualchhunga kái zingah chuan kàina chin hriat loh mi 128 an awm.

Mizoramah Covid-19 vei mi 22,155 hmuh chhuah a ni tawh a, mipa 12,598 leh hmeichhia 9,557 an ni. Nimin tlai dar 5 thleng khan mi 18,557 (83.76%) chhuahtir an ni tawh a, mi 99 (0.45%) thi tawhin, enkawl mek mi 3,499 (15.79%) an awm.

July 6, Thawhlehnia swab sample endik dan chu - ZMC laboratory-ah Aizawl leh Serchhip district-a mi 1,009, TrueNAT hmangin district pangaah 207 leh RAT hmangin district 10-ah 2,333 a ni a, a vaiin sample 3,549 (mipa 2,168 leh hmeichhia 1,381) niin, hripui vei hmuh chhuah 301 chu 8.48% a tling. Hmuh chhuah zat hi mipaah 6.64% leh hmeichhiaah 11.37% a ni.

Thawhlehnia district-a Covid-19 positive hmuh dan chu - Aizawlah mi 205, Lungleiah 41, Mamitah 31, Kolasib-ah pakua, Lawngtlaiah pasarih leh, Siaha leh Champhaiah pali ve ve a ni a; Serchhip, Saitual leh Khawzawl district-ah hmuh a ni lo a, Hnahthial district-ah sample endik a ni lo.

ZMC-a hmuh chhuah mi 47-te chu tualchhunga kái vek niin, kàina chin hriat loh pathum an awm a, symptom nei an awm lo. TrueNAT hmanga hmuh chhuah 19-te chu tualchhunga kái 15 leh state pawn aṭanga tun hnaia rawn lut pali an ni a, symptom nei pakhat a awm.

RAT hmanga hmuh chhuah mi 235-te chu tualchhunga kái 155 leh state páwn aṭanga tun hnaia rawn lut pathum an ni a, tualchhunga kái zingah kaina chin hriat loh 124 an awm a, mi 187 chu symptom nei an ni.
Covid-19 positive hmuh thar 301 zingah kum tling lo naupang 80 vel telin, an zinga mi 50 velin symptom an nei a; kum khat tling lo nausén pali awmin, a naupang ber chu ni 9 mi a ni a, symptom a nei. Kum 60 chung lam mi 18 aia tlem lo awmin, a tam zawkin symptom an nei a, a upa ber chu kum 89 a ni.

Nimin khan tlai dar 5 thlengin hripui laka fihlim tawh mi 174 chhuahtir an ni a; Aizawl district-ah mi 101, Kolasib district-ah 39, Lunglei district-ah 15, Lawngtlai district-ah 10, Mamit district-ah pali, Hnahthial district-ah pathum leh Champhai district-ah pahnih an chhuak.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 7,089 hmuh chhuah a ni tawh a, TrueNAT-PCR hmangin 1,410, RAT hmangin 13,655 leh Guwahati-ah pakhat hmuh chhuah a ni tawh.

July 6, 2021 thlengin Mizoramah swab sample 5,10,467 endik a ni tawh a, chu'ng aṭanga Covid-19 positive hmuh tawh zat 22,155 chu 4.34% a ni. Hripui vei hmuh tawh zinga mi 18,267 chu Mizoram chhunga kái chhâwng an ni a, mi 3,888 chu Mizoram páwn aṭanga an rawn luh hnua hmuh chhuah an ni.

COVID-19 VEI HMUH THARTE
Khua/Veng A zat
AIZAWL DISTRICT
Armed Veng 7
Armed Veng South 7
Bawngkawn 15
Bethlehem Vengthlang 25
Central Jail 7
Chanmari 5
Chanmari West 2
Chawlhhmun 1
Chawnpui 1
Chhinga Veng 8
College Veng 11
Dawrpui 2
Dinthar 3
Durtlang 2
Electric Veng 5
Falkland Veng 6
ITI Veng 4
Khatla 2
Kulikawn 5
Melthum 1
Melthum Silaimual 2
Model Veng 1
Nursery Veng 2
Phunchawng 6
Ramhlun South 14
Ramhlun Sports Complex 1
Ramthar Veng 10
Saron Veng 9
Tanhril 1
Tuikual 2
Tuikual North 1
Tuikual South 3
Tuithiang Veng 7
Ṭhuampui 6
Venghlui 5
Zemabawk 1
Zuangtui 8
Falkawn 3
Hualngohmun 1
Melriat 1
Muallungthu 2

LUNGLEI DISTRICT
Lunglei Chanmari 11
Lunglei Electric Veng 4
Lunglei Farm Veng 3
Lunglei Pukpui 9
Lunglei Rahsi Veng 2
Lunglei Venghlun 1
Lunglei Venglai 8
Lunglei 1
Tuichawng 1
Jammu & Kashmir 1
PGCI, Assam 1
SIAHA DISTRICT
Meisavaih West 3
Meisavaih East 1

CHAMPHAI DISTRICT
Zokhawthar 4

KOLASIB DISTRICT
Kolasib College Veng 1
Bairabi 2
Bilkhawthlir 2
Vairengte 3
Tripura (Vairengte) 1

LAWNGTLAI DISTRICT
Lawngtlai Bazar Veng 1
Chawngte Kamalanagar 2
Chawngte-L 2
Saikah-L 1

MAMIT DISTRICT
Búngṭhuam 7
Dâpchhuah 15
Reiek 2
Thinghlun 3
Zawlpui 2
Assam (Kanhmun) 1
Tripura (Kanhmun) 1