Lungleiah ei tur leh hmanrua pe

Medical Oxygen for All, New Delhi chuan Lunglei DC Kulothungan A hnenah oxygen concen­trator pasarih an pe a, Bawrhsap hian nimin khan Lunglei chief medical officer Dr LC Liana hnenah a hlân chhâwng.

Lunglei DC hmalak­nain June 4, 2021 aṭang khan company hrang hrangin Covid-19 kaihhnawih hmanruate CSR hnuaiah an pe ṭhin a, June 4 aṭanga nimin thleng khan Rs. 99,50,000 man hmanrua an pe tawh a ni.

Nestle company pawhin nimin khan maggie báwm 9,200 leh energy drink bûr 2,500 an pe a; chu'ngte chu Lunglei district-a VTF hrang hrangte bakah, Orphanage Home leh sorkar department hrang hranga frontline worker-te hnenah sem a ni.