Cheurâl khua-in Damna chan an lawm

Cheurâl khuaa 2018 kum thar lawmna ruai ei vanga damlo mi 150 vel chu an dam ṭha leh tawh a; January 13, Inrinni khan an dam leh tak vanga lawmthu sawina inkhawm Baptist Church of Mizoram (BCM)-in a buatsaih a, tlaiah ruai an ṭheh.

Tarlan tawh angin, Cheural khuaa Baptist kohhranin January 1-a kum thar lawmna ruai an buatsaih eitu zinga mi 150 vel chuan harsatna an tawk zui a ni. An ruai ei sual chhan, doctor-te'n an chhui chianna chu zawh fel a la nih loh avangin a chhan hriat chian theih a la ni rih lo a ni.