Election quiz-ah Mizoram aiawh dawn

All India Level Elec­tion Quiz Competition, New Delhi-a neih tura tel turin Republic Higher Secondary School-a pawl 12 zirlai pahnih - Lianthanzuala leh Ruthi Zonuntluangi te chuan New Delhi an pan a, an zirtirtu Lalhmingmawia Ralte-in a hruai a ni.

All India Level Elec­tion Quiz Competition atan hian nimin khan Election Commission of India complex-a Nirvachan Sadhan-ah hriat tur pawimawhte inhrilhfiahna hun hman a ni a, inelna chu vawiin hian Rajya Sabha TV Studio-ah ṭan tur niin, January 16 thleng neih a ni ang. neih a ni ang.

Election Quiz Competition hi India ram pumah district leh state level-ah inelna neih a ni tawh a, state tina thiam berte'n an state ṭheuh aiawhin all India level competition-ah hian an tel dawn a; Mizoram aiawha telte hi district leh state level-a inelnaah a ti ṭha berte an ni.