July 15, 2020-ah sikul ṭan tur

School Education minister Lalchhan­dama Ralte hoin nimin khan a pisaah department hotute leh zirna kaihhnawih páwl hrang hrang aiawhte an ṭhukhawm a; kum 2020-21 academic session atan July 15, 2020-ah sikul kai ṭan an rél. June 22, 2020 aṭangin pawl 11 tana admission hawn ṭan turin an rél bawk.

Meeting-a an rèl danin, July 15 hi sikul kai hun tura ruat ni mah se, ram dinhmun en chungin elementary (pawl 8 hnuai lam) lam luh hun tur chu ngaihtuah ṭhat leh theih a ni. Sikul kai hun tura ruat July 15-ah chuan quarantine centre atana hman sikulte pawh naupang kalna tlâka tihthianghlim hman beisei a ni.

Meeting-ah hian Human Resources Development Board vice chairman L Thangmawia, School Education secretary Esther Lalruatkimi, School Education, SCERT leh MBSE officer te, Federation of Mizoram Government School Teacher, Central YMA, MZP, MSU leh Indpendent School Owner Asso­ciation hruaitute an tel.

•    June 22, 2020 aṭangin Class XI tana admission hawn

•    Elementary school-te tan sessional work plan siam a nih avangin chapter khat chu a hma aia rei lo deuh zirin, chapter paih ṭhen loa kalpui theih beisei a ni.

•    Higher secondary chu NEET/JEE exam la hmachhawn leh tur an nih avangin CBSE kalpui dan enin ruahmanna siam a ni ang.

•    HSSLC exam la zawh fel loh paper 

ṭhenkhat exam hun atan June 16, 17 & 18 ruat a ni.

•    HSLC compartmental exam chu June 16-ah neih a ni ang.