MG Road tlabalah lei dawh tum

MG Road, Bible House dinna bul kawng chhuat bal siamṭhatna atan BUG (steel) bridge hman tum a ni a, lei siamna atan hian cheng nuai 236 vel sên a ngai tura chhût a ni.

Thu dawn danin, MG Road-a Bible House bul kawng bal siamṭhatna atan hian counterfort retaining wall siam tum hmasak a ni a, a siamna atan pawh cheng nuai 187 pek tawh a ni. Hna thawh ṭan dawnah leilung awm dan Geology & Mineral Resources department mithiamte'n an zir chian hnuah, foundation nghet ṭha awm theihna tur beisei aia a thûk avangin, BUG (steel) bridge hmanga siam tum a ni ta a ni.