KHAWTHLIR

Kolasib Hmarveng Presbyterian Kohhran­in quarantine centre-a awmte chaw eina senso atan Kolasib DC hnenah Rs. 1,50,000 an pe. Govt. Aizawl College chuan hmai tuamna an siam 600 chu nimin khan Disaster Management & Rehabilitation secretary Lalbiaksangi hnenah an hlân a; DCPU Lawngtlai pawhin June 2 khan Lawngtlai DC Shashanka Ala hnenah quarantine centre-a hman tur hmai tuamna 320 leh hand sanitizer bûr 14 an hlân. Lung­zarh­ṭum YLA chuan an khuaa thlai an thar chi hrang hrang nimin khan New Siahaa quarantine centre-a khung hran mekte ei turin an pe bawk.

NSS State Office chuan nimin khan Aizawl Civil Hospital blood bank-ah blood donation camp an huaihawt a, zirlai mipa 20 leh hmeichhia 14-in thisen unit 34 pe. Mizoram University 

aṭangin zirlai 15, Dur­tlang Higher Secondary School aṭangin mi 13 leh Mizoram Hindi Trai­ning College aṭangin mi parukin an pe a ni.

Synod Social Front leh Church’s Auxiliary for Social Action (CASA)ṭangkawp chuan Champhai district-a Covid-19 hripui vanga harsatna tuar khaw 15-ah May 28 leh June 1, 2020 inkar chhung khan ṭanpuina - buhfai, dailuah, nutrela, sahbawn leh hmai tuamnate an sem a; YMA Sub-Hqtrs hnenah ṭanpuina an pe bawk.

MNF chuan June 19-a Rajya Sabha MP inthlan lo awm tur atan nomination committee an siam a, chairman-ah president Zoramthanga leh member secretary-ah adviser Lalruatkima ruat an ni a, member 10 an awm.

Hnahthial DC Vanlalmawia chuan nimin khan National Vector Borne Disease Control Prog­ramme hnuaiah chhungkaw 1,210 hnenah thosi lên a sem. Semna inkhawm hi Hnahthial Electric Venga health sub centre-ah neih a ni a, thosi lên hi Hnahthial district chhunga chhungkaw tinah sem tura ruahman a ni.