HSLC exam tur tana free coaching hawng

Aizawl West-II constituency huam chhunga HSLC exam tur zirlaite tana a thlawna zirna, Aizawl West College-a free coaching kalpui tur chu nimin khan minister Vanlalawmpuii Chawngthu-in a hawng.

Vanlalawmpuii Chawng­thu chuan, ṭha­laite'n hma an sawn theihna tur leh zirna kawnga hma an sawn theih nan MPYCC president Dr Lalmalsawma'n hma la a, free coaching an buaipui chu lawmawm a tih thu a sawi a, "Hnam changkang apiangin zirna an ngaisang a, an fate lehkha zirna turin an neih zawng zawng pawh an séng hreh lo ṭhin," a ti.

Hlawhtling turin taima taka lehkha zir a ngaih thu sawiin Vanlalawmpuii chuan, "Rilru chak lo pawh ni ila, theihtawp chhuaha kan zir chuan kan hlawhtling em em ang. Officer ni tharte hmana ka classmate ṭhin, ka kid ṭhin, tihte hian awmzia a nei lo," a ti a; taima leh tih tak zeta bei ṭhinte an ropui mai ṭhin tih a sawi.