Selena-i nu-in JB-a pawm thei lo!

Selena Gomez leh Justin Bieber-te chu inkawp rem leh viauin lang mah se, Selena-i nu Mandy Teefey berin JB-a hi makpa atan a pawm thei tlat lo niin an sawi tlat mai.

Selena leh Mandy-te hi JB-a chungchangah hian an ngaihdan a inang thei lo a, hei vang hian an inkar pawh a ṭhat loh phah hle. Mandy hian Canadian pop star hi a ngaina vak lo a, makpa atan pawh a duh lem lo a nih hmel. A fanute inkarah hian a inrawlh tlat bawk si avangin buaina neuh neuh an nei chho ta a ni. Khawthlang media-te chuan Selena leh Mandy-te inkar a ṭhat loh thu hi nikum kum tawp lam pawh khan an lo tarlang tawh a, instagram lamah pawh Selena hian a nu hi a unfollow a ni. Hemi hnu hian an inkar pawh a ṭha lo zui a, biak pawh an inbe tam lo niin an tarlang leh zel bawk.

Selena hian kum 2014 aṭang khan a nu hi manager atan a hmang a, mahse JB-a nen an inkawp leh hnuah harsatna neuh neuh an tawh avang hian manager atan a hmangzui zel angem tih chu zawhna awm mek a ni.